Lisbona do të ofrojë transport publik falas për të rinjtë dhe të moshuarit

Lisbona do të ofrojë transport publik falas për fëmijët, studentët dhe të moshuarit në një lëvizje që kryebashkiaku Carlos Moedas tha se ishte jetik për luftën e Portugalisë kundër ndryshimeve klimatike. Moedas deklaroi se Lisbona po ndiqte shembullin e qyteteve të tjera evropiane. Talini, kryeqyteti i Estonisë dhe qyteti i Luksemburgut ofrojnë transport falas për të gjithë banorët. Londra dhe Parisi gjithashtu ofrojnë udhëtim falas për disa të moshuar dhe fëmijë.

Këshilli i qytetit të Lisbonës miratoi njëzëri të enjten planin që të gjithë banorët nën moshën 18 vjeç do të jenë në gjendje të përdorin metronë, autobusët dhe tramvajet e verdhë për të lëvizur nëpër qytet.

Moedas deklaroi se veprimet e Lisbonës do të inkurajonin pjesën tjetër të Portugalisë që të miratonte masa të ngjashme.

"Ky është një moment historik. Ai tha se Lisbona duhet të përfshihet në Ligën e Kampionëve të qyteteve që luftojnë ndryshimet klimatike. Megjithatë, ai pranoi se ishte e pamundur financiarisht të sigurohej transport falas për të gjithë.

Ai tha se masa do të mbrojë edhe më të rrezikuarit nga rritja e çmimit të karburanteve.

Moedas deklaroi se megjithëse fillimisht nisma për udhëtim falas do të kufizohet vetëm për banorët qendrorë të Lisbonës, ai beson se ajo mund të zgjerohet për të përfshirë të gjithë zonën metropolitane të Lisbonës, e cila është shtëpia e më shumë se 3 milionë njerëzve, ose një e treta e popullsisë së Portugalisë.

reklamë